АСГАТЫН ОРД АШГАА ӨГӨХ ЦАГ АЙСУЙ

     Ерөнхий сайд Л.Оюун-Эрдэнэ Баян-Өлгий аймагт ажиллав. Энэ үеэр нутгийн 402 иргэнээс Асгатын мөнгөний ордыг ашиглах талаар санал авчээ. Санал асуулгад оролцсон иргэдийн 80 хувь нь тус ордыг эдийн засгийн эргэлтэд оруулах ёстой хэмээн үзсэн байна. Баян-Өлгий аймгийн Ногооннуур сумын Асгат багийн “Мөнгөтийн хяр” хэмээх газар орших мөнгөний орд нь Улаанбаатар хотоос 1950, аймгийн төвөөс 190 км зайтай, далайн төвшнөөс дээш 2891 метр өндөр ууланд байрладаг бөгөөд Монгол Улсын стратегийн ордын нэг. Асгатын мөнгөний ордын ашиглалтын тусгай зөвшөөрлийг “Эрдэнэс Монгол” ХХК эзэмшиж байгаа юм.
     Асгатын мөнгөний ордод одоогоор 6.4 сая тонн хүдрийн, 2.2 мянган тонн мөнгөний нөөц батлагдсан энэ бол нарийвчлан тогтоосон нөөц биш. Нэмэлт хайгуул судалгаа хийвэл нөөц нэмэгдэх боломжтой гэж геологичид үздэг. Энэ ордыг ашиглавал жилдээ 500 сая ам.долларын эргэлттэй ажиллах тооцоо гарчээ. Өнөөдөр дэлхийн зах зээл дээр мөнгөний үнэ ханш асар хурдацтай өсч байна.
     Хэдхэн жилийн өмнө нэг унци мөнгө 7-8 ам.доллар байсан бол, өнгөрсөн онд 17, өнөөдөр 25 ам.доллар болов. Үүнээс гадна мөнгө олборлож, дэлхийн зах зээлд нийлүүлэгч томоохон тоглогчийн нэг ОХУ нь АНУ болон Европын холбооны хоригт орсноор мөнгөний нийлүүлэлт багасаж, нөөц нь тасалдахад хүрэв. Цалин цагаан металлын ханш цаашид ч тогтвортой байх төлөвтэйг дэлхийн зах зээл дэх эрэлт хэрэгцээ хэлээд буй.
      Стратегийн ач холбогдол бүхий энэ ордыг өдий олон жил нөөцийг нь эцэслэн тогтоогоогүй, судалгаа, хайгуул хийж ашиглаагүйн бас нэг шалтгаан нь уул, геологийн хүнд нөхцөл нь юм. Үүнд ордын тогтоосон нөөц нь битүү хад асга бүхий өндөр уулсын мөнх цэвдэгтэй бүсэд оршдогийн дээр дэд бүтэц хөгжүүлээгүй байсантай холбоотой. Асгатад хүрэх зам бартаа саад ихтэйгээс Оросын хилээр гарч байж хойд бэлээс нь хүрдэг байсан. Ц.Элбэгдорж Ерөнхийлөгч байхдаа Зэвсэгт хүчний инженерийн цэргийн бие бүрэлдэхүүний хүчээр Монголын талаас хүрэх зам, гүүрийг богино хугацаанд тавиулсан нь ордод хайгуул, судалгаа хийх, цаашид олборлоход ихээхэн дөхөм болсон билээ.
     Нөгөө талаас Асгат уулын оройгоор хилийн шугам байдаг. Өөрөөр хэлбэл, уулын өвөр хэсэг манай талд, ар нь ОХУ газар нутаг гэсэн үг. Асгатын ордыг эдийн засгийн эргэлтэд оруулахын тулд дээрх асуудлуудыг шийдэхээс гадна нөөцийг нэмэгдүүлэх үүднээс иж бүрэн хайгуул хийх, дагалдах элементүүдийг ялгаж авах, нэмүү өртөг шингэсэн бүтээгдэхүүн үйлдвэрлэхийн тулд туршилт судалгааг нарийвчлан хийх, хөрөнгө оруулагчтай хамтрах зэргийг шийдвэрлэх зайлшгүй шаардлага тулгарч буй юм. Л.Оюун-Эрдэнийн Засгийн газар өмнөх Засгийн газрууд шиг энэ бүхнийг хүндрэлтэй гээд хойш тавих бус “Шинэ сэргэлт-”ийн бодлогынхоо хүрээнд Асгатыг ашиглахаар ханцуй шамлан ороод байна. Асгатыг мөнгөний ордыг ашигласнаар далд уурхайд нь 260, баяжуулах үйлдвэрт 190 гаруй ажлын байр бий болох тооцоог 1993 онд боловсруулсан ТЭЗҮ-д дурдсан байдаг. Түүнээс гадна уурхай, боловсруулах үйлдвэрийг даган ханган нийлүүлэгчид гээд олон ажлын байр нэмэгдэж, орон нутгийн хөгжилд ихээхэн түлхэц болох билээ. Ордыг хамтран ашиглахаар АНУ, Австрали улсын уул уурхайн томоохон компаниудад санал тавиад байгаа аж. Манай мэргэжилтнүүдийн тооцоолж буйгаар хөрөнгийн эх үүсвэр шийдэгдвэл уурхайг хоёр жилийн дотор ашиглаж эхлэх боломжтой юм байна.
Т.Жанцан
+1
0
+1
0
+1
0
+1
0
+1
0

ЦАГ АГААР

Mongolia
clear sky
29.5 ° C
29.5 °
29.5 °
12 %
5.5kmh
1 %
Мяг
30 °
Лха
24 °
Пүр
22 °
Баа
28 °
Бям
28 °

сошиал

шинэ

- Advertisement - spot_imgspot_img

санал болгох

ХӨДӨӨ АЖ АХУЙН САЛБАРЫН ШИНЖЛЭХ УХААН, ТЕХНОЛОГИ, ИННОВАЦИЙН ҮНДЭСНИЙ...

Монгол Улсын Ерөнхийлөгч У.Хүрэлсүхийн ивээл дор “Хүнсний хангамж, аюулгүй байдал-Хүнс, хөдөө аж ахуй, хөнгөн үйлдвэрийн салбарын шинжлэх...

ОХУ-ЫН ЕРӨНХИЙЛӨГЧ ВЛАДИМИР ПУТИН ЭНЭ ДОЛОО ХОНОГТ ТӨВ АЗИЙН...

Украины газар нутагт Оросын зэвсэгт хүчин халдан довтолсноос хойш ОХУ-н ерөнхийлөгч В.Путин анх удаагаа гадаад оронд айлчлах...

ӨНГӨРСӨН АМРАЛТЫН ӨДРҮҮДЭД ОСЛЫН УЛМААС ХОЁР ИРГЭН АМЬ НАСАА...

Өнгөрсөн амралтын өдрүүдэд Тээврийн цагдаагийн албаны Жижүүрийн шуурхай удирдлагын төв нийт 565 дуудлага мэдээлэл хүлээн авснаас зам...

БОГДХАН УУЛЫН ДУГУЙ ЦАГААН ОРЧМЫН ТОХИЖИЛТЫГ АЖИЛ ЭХЭЛЛЭЭ

Хотын захирагч Д.Сумъяабазар өөрийн цахим хуудсандаа "Зургаадугаар сарын 26-ны 09:00 цагийн байдлаар Богд уулын Дугуй цагаан руу...

ТАНИЛЦ: НИЙСЛЭЛД ӨНӨӨДӨР АЖИЛЛАХ ДАРХЛААЖУУЛАЛТЫН ЦЭГҮҮД

Энэ долоо хоногт төвийн зургаан дүүрэг бүрд шинжилгээний нэг цэг 09:00-12:00 цагт ажиллах юм. Хүчин чадлаас хамаарч нэг...

“БИШКЕК-2022” ТЭМЦЭЭНЭЭС МАНАЙ УЛСЫН ТАМИРЧИД НЭГ АЛТ, ХОЁР МӨНГӨН...

"Бишкек-2022" Азийн аварга шалгаруулах тэмцээний эхний өдөр Монгол Улсын тамирчид нэг алт, хоёр мөнгөн медаль хүртлээ. Киргиз улсын нийслэл...