ЗАМЫН ҮҮДЭЭС ЭРЭЭН РҮҮ ХОНОГТ 10-11 ГАЛТ ТЭРЭГ АЧАА ГАРЧ БАЙНА

АНГИЛАЛ :

Замын-Үүдээс Эрээний чиглэлд хоногт 10-11 галт тэрэг гарч байгаа талаар УБТЗ ХНН-ээс мэдээллээ. Үүний өмнө, тодруулбал, өнгөрсөн оны 11 дүгээр сарын 28-ныг хүртэл “УБТЗ” ХНН Замын-Үүд өртөөгөөр Эрээн өртөөнд өргөн царигаар хоногт 14 галт тэрэг хүлээлгэн өгч байв. Үүний 4 нь Европ болон ОХУ-аас БНХАУ-ыг чиглэсэн чингэлгийн транзит галт тэрэг, үлдэх 10 галт тэрэг нь манай улсын нүүрс, зэсийн баяжмал, төмрийн хүдэр, цайр, жонш зэрэг экспортын ачаа тээвэрлэн гаргаж байв. Гэвч БНХАУ-ын тал өнгөрсөн оны 11 дүгээр сарын 28-наас эхлэн цар тахлын халдварыг хумих зорилгоор Замын-Үүд-Эрээн өртөөгөөр зөвхөн чингэлэгт ачсан ачааг хүлээн авах болж, хоногт өргөн царигаар хүлээн авах галт тэрэгний тоо 6-7 болж огцом буурсан. Тиймээс галт тэрэг солилцоог нэмэгдүүлэх талаар УБТЗ-ын дарга Х.Хэрлэн БНХАУ-ын ӨМӨЗО-ны Хөх хотын төмөр замын удирдлагатай шаргуу ярьж тохирсны үр дүнд сүүлийн саруудад Эрээн өртөө манай талаас хоногт өргөн царигаар 10-11 галт тэрэг хүлээн авдаг болоод байна.

Уг нь манай талаас урагшаа 20 галт тэрэг солилцож байх санал тавьсан ч Хятадын тал 10-11 болгоод байна. Энэ нь нэгд, тус улсад гарсан, одоо ид мөрдөгдөж буй ковидын цар тахлын шинэ хязгаарлалт, хорио цээрээс гадна Эрээн боомтын төмөр замын хүчин чадалтай холбоотой аж. Тиймээс тус боомтын ачаа бараа хүлээн авах галт тэрэгний тоог нэмэгдүүлэх үүднээс хүчин чадлыг шинэчлэх ажлыг энэ оноос эхлүүлж буй талаар Хөх хотын төмөр замын удирдлага хоёр талын уулзалтаар мэдэгджээ. Ингэвэл Монгол Улсаас хүлээн авах галт тэрэгний тоо нэмэгдэж, энэ нь манай улсын экспорт өсөх, эдийн засаг тэлэхэд чухал хувь нэмэртэйг УБТЗ ХНН-ээс мэдэгдэж байна.

Транзит тээврийн тухайд дурдахад, өнгөрсөн онд УБТЗ нийт 31.3 сая тонн ачаа тээвэрлэсний 27.1 сая тонн нь экспорт, импорт, орон нутгийн тээвэрлэлт байгаа бол үлдсэн 4.2 сая тонн нь дамжин өнгөрөх транзит ачаа тээвэрлэлт байна. ОХУ-аас БНХАУ руу транзитаар 2021 онд 3.1 сая тонн ачаа тээвэрлэжээ. Энэ нь жилд дунджаар 2-3 сая тонн байдаг аж. Манай улсаас ОХУ руу 2021 онд 177.8 мянган тонн жонш экспортолжээ. Жилд дунджаар 150-250 мянган тонн жонш экспортолдог байна. УБТЗ-ын зүгээс галт тэрэг солилцоог нэмэгдүүлэх, тэр тусмаа уул уурхайн экспортын тээврийн хэмжээг нэмэгдүүлэхэд онцгой анхаарч, тээвэр зохион байгуулалтын арга хэмжээ авч хэрэгжүүлэн ажиллаж байна.

Тодруулга: Нэг галт тэрэг нь 50-60 вагоноос бүрдэж нэг состав буюу үндсэн бүрэлдэхүүн болдог байна.

+1
0
+1
0
+1
0
+1
0
+1
0

ЦАГ АГААР

Mongolia
clear sky
-15 ° C
-15 °
-15 °
42 %
4.7kmh
0 %
Пүр
-15 °
Баа
-15 °
Бям
-13 °
Ням
-11 °
Дав
-11 °

сошиал

шинэ

- Advertisement - spot_imgspot_img

санал болгох

“ЗАСМАЛ ЗАМЫН ДУГУЙН УРАЛДААНЫ ӨСВӨР ҮЕ, ЗАЛУУЧУУДЫН 2022 ОНЫ...

Төв аймгийн ЗДТГ, Зуунмод сумын ЗДТГ, БТСГ, Монголын дугуйн холбоо, ОУХМ Д.Оргодолын нэрэмжит дугуйн сургалтын танхим хамтран...

ТӨВ АЙМАГЧУУД ОЛОН УЛСЫН ХҮҮХДИЙН ЭРХИЙГ ХАМГААЛАХ ӨДРИЙГ “НЭГДҮГЭЭРТ...

ТӨВ САЙХАН НУТГИЙН ИРЭЭДҮЙ БОЛСОН ХҮҮХЭД БАГАЧУУД ТА БҮХЭНДЭЭ БАЯРЫН МЭНД ХҮРГЭЖ, ЭРҮҮЛ ЭНХ, АЗ ЖАРГАЛ, БАЯР...

ТӨВ АЙМГИЙН ЗААМАР СУМАНД ЭВДЭРЧ ОРХИГДСОН 142 ГА ТАЛБАЙД...

Засгийн газрын үйл ажиллагааны хөтөлбөрт туссан зорилтын хэрэгжилтийг хангах “Нөхөн сэргээлт-2024” нэгдсэн арга хэмжээг зохион байгуулах ажлын...

27,5 ГА ТАЛБАЙД МОД ТАРЬЖ, АРЧИЛЖ, УРГУУЛЖ БАЙНА

"Бүх нийтээр мод тарих өдөр"-ийн 24 удаагийн нээлтийн арга хэмжээ 2022 оны 10 дугаар сарын 12-ны өдөр...

УЛСЫН ТӨСВИЙН ХӨРӨНГӨ ОРУУЛАЛТААР ТӨВ АЙМГИЙН 26 СУМ, ЗУУНМОД...

2022 онд Төв аймгийн Нэгдсэн эмнэлэг, ӨЭМТ, сумдын ЭМТ-үүдэд нэн шаардлагатай тоног төхөөрөмжийн судалгаанд үндэслэн Улсын төсвийн...

Хан-Уул дүүрэг цас, мөс цэвэрлэх, давс бодис цацах хосолсон...

Хан-Уул дүүргийн Засаг даргын 2020-2024 онд хэрэгжүүлэх “Хоггүй Хан-Уул" дэд хөтөлбөрийн хүрээнд хог тээврийн байгууллагуудын чанар хүртээмжийг...