ФЭЙСБҮҮКИЙН “ОХИДЫН ЕРТӨНЦ”, “10-16 НАСНЫ ХҮҮХЭД ХОСОО ОЛОХ” ГЭСЭН ГРУППЭЭС БАГА НАСНЫ ОХИДТОЙ ТАНИЛЦАЖ, АЙЛГАН СҮРДҮҮЛЭХ ЗАМААР БЭЛГИЙН ДУР ХҮСЛЭЭ ХАНГАДАГ БАЙЖЭЭ

АНГИЛАЛ :

Эрүүгийн цагдаагийн албанаас цахим орчинд хүүхдийн эсрэг үйлдэгдэж буй гэмт хэргийн талаар өнөөдөр мэдээлэл өглөө. Улсын хэмжээнд 2015-2021 онд цахим орчинд үйлдэгдсэн хүүхдийн эсрэг гэмт хэрэг 101 бүртгэгджээ. 2022 оны эхний 3 сарын байдлаар 2 холбогдогчтой 9 гэмт хэрэг гарч, мөрдөн шалгаж байна.

Гэмт этгээдүүд цахим орчинд хуурамч хаяг үүсгэн, насанд хүрээгүй охидтой танилцах, хүүхдийг хууран мэхлэх, өөртөө дасгах, заналхийлэх замаар бэлгийн харьцаанд орох, хохирогчийг эрхшээлдээ оруулж, гаж дүрс бичлэг, зураг явуулах замаар гэмт хэрэг үйлдэж байна.

Хамгийн аюултай нь, энэ төрлийн гэмт хэргийн хохирогч болсноо эцэг, эх, багш, асран хамгаалагч нарт хэлэхгүй, хэлвэл бусдад гадуурхагдахаас эмээх, найз нөхөдгүй болох, гар утсаа хураалгах, цахим хэрэглээгээ хязгаарлуулахаас айн нуун дарагдуулж байна. Иймд энэ төрлийн гэмт хэрэг нуугдмал байдалд оршиж байгааг цагдаагийн байгууллагаас анхаарууллаа.

Тухайлбал, Иргэн А нь 2020 онд фэйсбүүкийн хуурамч хаяг үүсгэн, бага насны охидын хаяг руу найзын хүсэлт илгээж, нийт 84 бага болон өсвөр насны охидтой танилцжээ. Улмаар чатлах явцдаа тухайн охидыг ятгаж, гуйх байдлаар өөрсдөөр нь нүцгэн дүрс бичлэгийг нь хийлгүүлэн авч, улмаар уулзаж, дүрс бичлэгээр нь барьцаалан, сүрдүүлж бэлгийн харьцаанд орсон байна. Мөн өмнө нь бага насны охидыг хүчиндэж, ёс бусаар бэлгийн дур хүслээ хангаж байсан удаа дараагийн гэмт хэрэгтэн нь аргаа нарийсгаж, цахим орчинд шилжиж, садар самуунд уруу татсан үйлдлийг цагдаагийн байгууллага илрүүлжээ.

Сүүлийн үед гэмт этгээдүүд цахим орчинд олзолсон хүүхдүүдийн хэт хувийн мэдээллийг дан ганц бэлгийн дур хүслээ хангах бус ашиг орлого олох зорилгоор бусдад худалдаж байгаа бөгөөд эмэгтэй хүн эмэгтэй хүнээ бэлгийн сүрдүүлгэд автуулж байгаа нь тогтоогджээ.

Тэд энэ үйлдлээ хийхдээ бага насны эрэгтэй хүүхдийн хаягийг шинээр нээж, улмаар фэйсбүүкийн “Охидын ертөнц”, “10-16 насны хүүхэд хосоо олох” гэсэн группэд оруулж, бага насны охидыг судалж, хуурамч хаягнаасаа харилцдаг байна. Ингэж бага насны охидын хувийн мэдээлэл, нүцгэн дүрс бичлэг, зургийг олж авснаар заналхийлж, гэмт үйлдлээ хийдэг байна.

Тиймээс эцэг эхчүүд хүүхдэдээ тавих анхаарал халамж, хараа хяналтаа өндөрсгөх, хүүхдийнхээ юу хийж, хэнтэй найзалж байгааг анзаарах, хүүхдийнхээ цахим хэрэглээнд хяналт тавих шаардлагатай байна.

Өсвөр насныханд анхааруулахад, өөрийн зураг, бичлэгээ танихгүй хүнд илгээхгүй байх, цахим хаягийнхаа нууц үгийг бусдад өгөхгүй байх, интернэтээс сэжиг бүхий элдэв программ татаж, суулгахгүй байх, сэжиг бүхий этгээд и-мэйлээр, цахим орчинд мэссэж хүсэлт илгээсэн тохиолдолд цагдаагийн байгууллага, эцэг, эх асран хамгаалагчид мэдэгдэх хэрэгтэй.

Мөн ийм төрлийн гэмт хэрэгт өртсөн, өртөх гэж буйгаа мэдсэн үед фэйсбүүкийн Кибер гэмт хэрэгтэй тэмцэх алба пэйж хуудсанд 24 цагийн аль ч үед хандах боломжтой.

+1
0
+1
0
+1
0
+1
0
+1
0

ЦАГ АГААР

Mongolia
scattered clouds
-4.9 ° C
-4.9 °
-4.9 °
69 %
3.6kmh
38 %
Мяг
-5 °
Лха
0 °
Пүр
-1 °
Баа
-13 °
Бям
-4 °

сошиал

шинэ

- Advertisement - spot_imgspot_img

санал болгох

“ЗАСМАЛ ЗАМЫН ДУГУЙН УРАЛДААНЫ ӨСВӨР ҮЕ, ЗАЛУУЧУУДЫН 2022 ОНЫ...

Төв аймгийн ЗДТГ, Зуунмод сумын ЗДТГ, БТСГ, Монголын дугуйн холбоо, ОУХМ Д.Оргодолын нэрэмжит дугуйн сургалтын танхим хамтран...

ТӨВ АЙМАГЧУУД ОЛОН УЛСЫН ХҮҮХДИЙН ЭРХИЙГ ХАМГААЛАХ ӨДРИЙГ “НЭГДҮГЭЭРТ...

ТӨВ САЙХАН НУТГИЙН ИРЭЭДҮЙ БОЛСОН ХҮҮХЭД БАГАЧУУД ТА БҮХЭНДЭЭ БАЯРЫН МЭНД ХҮРГЭЖ, ЭРҮҮЛ ЭНХ, АЗ ЖАРГАЛ, БАЯР...

ТӨВ АЙМГИЙН ЗААМАР СУМАНД ЭВДЭРЧ ОРХИГДСОН 142 ГА ТАЛБАЙД...

Засгийн газрын үйл ажиллагааны хөтөлбөрт туссан зорилтын хэрэгжилтийг хангах “Нөхөн сэргээлт-2024” нэгдсэн арга хэмжээг зохион байгуулах ажлын...

27,5 ГА ТАЛБАЙД МОД ТАРЬЖ, АРЧИЛЖ, УРГУУЛЖ БАЙНА

"Бүх нийтээр мод тарих өдөр"-ийн 24 удаагийн нээлтийн арга хэмжээ 2022 оны 10 дугаар сарын 12-ны өдөр...

УЛСЫН ТӨСВИЙН ХӨРӨНГӨ ОРУУЛАЛТААР ТӨВ АЙМГИЙН 26 СУМ, ЗУУНМОД...

2022 онд Төв аймгийн Нэгдсэн эмнэлэг, ӨЭМТ, сумдын ЭМТ-үүдэд нэн шаардлагатай тоног төхөөрөмжийн судалгаанд үндэслэн Улсын төсвийн...

Хан-Уул дүүрэг цас, мөс цэвэрлэх, давс бодис цацах хосолсон...

Хан-Уул дүүргийн Засаг даргын 2020-2024 онд хэрэгжүүлэх “Хоггүй Хан-Уул" дэд хөтөлбөрийн хүрээнд хог тээврийн байгууллагуудын чанар хүртээмжийг...