ЕРӨНХИЙ САЙД “САХАЛ” ХОЧИТ Д.ЭРДЭНЭБИЛЭГИЙГ ЭЛЬ ЧАПОТОЙ ЗҮЙРЛЭВ

АНГИЛАЛ :

Ерөнхий сайд Л.Оюун-Эрдэнэ өнөөдөр танхимынхаа сайд нарын хамт мэдээлэл хийсэн. Энэ үеэр Хөгжлийн банкны томоохон зээлдэгч “Сахал” Д.Эрдэнэбилэг гэх хүнд яагаад хариуцлага тооцохгүй байгаа тухай асуудал хөндөгдсөн. Тэрбээр “Д.Эрдэнэбилэг гэдэг хүн Монголын Эль Чапо юм даа. Монголбанк энэ хүний охин компани, Хөгжлийн банк нөгөө охин компани нь. Төлөөлөн удирдах зөвлөлийн гаргасан шийдвэрээс нь харж болно. Тэгэхээр энэ бол хэтийдсэн үг биш. Монголын шүүгчдийг бүгдийг нь томилдог. М.Батсууриас эхлээд томилсон хүн нь шүүгчээр ажиллаж байна. Тухайн үеийн Тагнуулын Ерөнхий Газар, Улсын Ерөнхий Прокурор энэ хүний удирдлагаар ажилладаг байсан. Хөтөлтэй холбоотой асуудлыг бид шийдсэн. Энэ бол хэн нэгэн хүний хувийн өмчит халдсан асуудал огт биш. Д.Эрдэнэбилэг гэдэг хүнтэй миний бие хувийн өс хонзон зангидаж байгаа зүйл огт биш. Эрдэнэт, Хөтөл, Хөгжлийн банк дээр асуудал үүсгэж байгаа зүйл байхгүй. Парламент, Засгийн газраар хэлэлцэх ёстой байсан зүйлийг Ерөнхий сайдын захирамжаар хийсэн хүн байсан учраас тэмцсэн. Уг асуудлыг хуулийн хүрээнд шийдэх ёстой” гэв.

ЭЛЬ ЧАПО ГЭЖ ХЭН БЭ?

Эль Чапо буюу Атигар хэмээх нэрийг сонсоод Мексик, Латин Америк даяараа дагжин чичирдэг. Мексикийн хамгийн том хар тамхины мафийн толгойлогч, Атигар хочитыг Эль Чапог зартай алан хядагч Осама бин Ладенг устгасны дараа АНУ-ын Төрийн департамент дэлхийн хамгийн аюултай гэмт хэрэгтэн, Америкийн нэг номерийн дайсан хэмээн албан ёсоор зарласан байдаг. Учир нь Мексик, Өмнөд Америкаас АНУ-ын хил даван орж ирж байгаа хар тамхины ихэнхийг Эль Чапогийн захирсан “Синалоа” картель илгээдэг байжээ. Ер нь Гусманы удирддаг “Синалоа” бүлэг дэлхийн хамгийн том хар тамхины бүлэгт тооцогдож, Америкаас гадна Европ, Азийн 50 гаруй оронд хар тамхи нийлүүлдэг судалгааг Интерполоос гаргасан байдаг.

Гузманыг баривчлах үеэр

Ер нь Эль Чапо этгээд үйлдлээрээ алдаршсан нэгэн. Домогт Аль Капонегоос хойш анх удаа Америкийн нийгмийн хамгийн том дайсан хэмээн цоллогдож яваа энэ Атигарын сүүлчийн орголт Холливудын “Шоушенкаас оргосон нь” киноны үйл явдалтай төстэй. Гэхдээ тэр газар доорх хонгилыг кинон дээрх шиг 20 жил ухсангүй, ганцхан жилийн дотор л амжуулжээ.

Түүний хөрөнгө 1 тэрбум ам доллар

“Альтиплано” шоронгоос 1.5 км зайд орших эзэнгүй хоосон байрнаас түүний камер хүртэл ухсан хонгил нь 1.7 метр өндөр, 80 см өргөнтэй, дотор нь гэрэл, агааржуулагч, мотоцикль хүртэл байсан гэнэ. Энэ хонгилыг ухахад 3.25 мянган тонн шороо гарч, долоон тоннын багтаамжтай ачааны тэрэг 380 удаа зөөсөн байх тооцоог шинжээчид гаргажээ. Мөн орчин үеийн багаж хэрэгслээр гурван ээлжээр ажиллаж байж л жилийн дотор дуусгах боломжтой гэнэ. Шоронгийн харуул манаанд ч мэдэгдэхгүй, газар шорооны энэ их ажлыг яаж амжуулсныг бурхан л мэдэх байх.

Мексикийн засгийн газар 3.8 сая доллар, АНУ-ын засгийн газар 5 сая доллараар түүний толгойг үнэлж байжээ

Зарим хэвлэлээр Гузман оргох бэлтгэл, шоронг тэр чигээр нь хахуулдахад нийт 50 сая ам.доллар зарцуулсан гэж бичиж байлаа. Олон тэрбум ам.долларын хөрөнгөтэй, Мексикийн хамгийн баян 10 эрхмийн нэгэнд тооцогддог түүнд шоронгоос оргоход ийм хэмжээний мөнгийг цацахад асуудалгүй л байсан байх.

Ер нь Гузман газар доорх хонгилд тун элэгтэй. 1990 онд Гузман гэртээ амьтны хүрээлэн байгуулахаар архитектор Фелипе де Хесус Корона-Верберийг урьжээ. Амьтны хүрээлэн бариулах зуураа хар тамхи, мөнгө, зэр зэвсэг нуух нуувч олныг хийлгэж байлаа. Энэ үед АНУ-ын хилийн ойролцоох байшин дор нууц өрөө барьж болоод байхад хил давсан хонгил барьж болохгүй гэж үү гэсэн бодол Гузманы толгойд төржээ.

Гузман шоронгоос оргож байгаа үеийн камерт үлдсэн бичлэг (Шоронгоос 1.5 км-ын зайд Гузманы камер хүртэл ухсан хонгилын гарц байжээ)

Ингээд Фелипе де Хесус Мексикийн Агуа-Приета хот дахь Гусманы гэрээс Америкийн Дуглас хотын агуулах хүртэл хонгил барьсан байна. Энэ санаа хар тамхины бизнест хувьсгал авчирсан юм. Одоо Америкт Мексикээс нийлүүлж байгаа хар тамхины наймааны ихэнхийг газар доогуур хийж байна. Цагдаагийн газраас “Синалоа” бүлгийнхний 90 гаруй хонгилыг илрүүлэн, шалгахад дотор нь гэрэл, агааржуулагч, ачаа зөөх төмөр зам ч байсан гэдэг.

Тэрээр нэг хэсэг Сьерра-Мадре ууланд амьдарч байхдаа доод тал нь 300 бие хамгаалагчгүй бол гадагш гардаггүй байжээ. Цагдаагийн газрынхан түүнийг хаана байгааг мэдлээ ч баривчлах ямар ч найдваргүй байлаа. Өстөн дайснууд нь хордуулж магад гээд тэр хувийн тогоочийнхоо хийсэн хоолоос өөр зүйл амсдаггүй. 2007 онд Атигар Мексикийн мисс, мафийн толгойлогчийн охин, 18 настай Эмма Коронельтэй гэрлэснийхээ дараа хамгаалалтаа багасгаж, ихэнхдээ хотод амьдардаг болсон юм. Залуу эхнэр нь зугаалж цэнгэхийг хүсч, Гусман өөрөө ч хөрөнгө мөнгөө үрж эхэлжээ. Түүнийг ресторанд хоол идэхээр ороход бие хамгаалагчид нь бүх үйлчлүүлэгчийн гар утсыг хураан авч, атигарыг хооллож дуусахыг нь хүлээдэг байв. Гусман зоогоо бариад, хүмүүсээс хүлцэл өчиж, бүгдийнх нь тооцоог хийгээд, гар утсыг нь өгөөд явдаг байсан аж.

Дэлхийн хамгийн том хар тамхины наймаачин, мафийн бүлэглэлийн толгойлогч Гузман хэмээх энэ эрийн тухай товчхон өгүүлэхэд ийм.

+1
0
+1
0
+1
0
+1
0
+1
0

ЦАГ АГААР

Mongolia
few clouds
16.6 ° C
16.6 °
16.6 °
40 %
3.4kmh
12 %
Ням
16 °
Дав
29 °
Мяг
29 °
Лха
31 °
Пүр
27 °

сошиал

шинэ

- Advertisement - spot_imgspot_img

санал болгох

ХӨДӨӨ АЖ АХУЙН САЛБАРЫН ШИНЖЛЭХ УХААН, ТЕХНОЛОГИ, ИННОВАЦИЙН ҮНДЭСНИЙ...

Монгол Улсын Ерөнхийлөгч У.Хүрэлсүхийн ивээл дор “Хүнсний хангамж, аюулгүй байдал-Хүнс, хөдөө аж ахуй, хөнгөн үйлдвэрийн салбарын шинжлэх...

ОХУ-ЫН ЕРӨНХИЙЛӨГЧ ВЛАДИМИР ПУТИН ЭНЭ ДОЛОО ХОНОГТ ТӨВ АЗИЙН...

Украины газар нутагт Оросын зэвсэгт хүчин халдан довтолсноос хойш ОХУ-н ерөнхийлөгч В.Путин анх удаагаа гадаад оронд айлчлах...

ӨНГӨРСӨН АМРАЛТЫН ӨДРҮҮДЭД ОСЛЫН УЛМААС ХОЁР ИРГЭН АМЬ НАСАА...

Өнгөрсөн амралтын өдрүүдэд Тээврийн цагдаагийн албаны Жижүүрийн шуурхай удирдлагын төв нийт 565 дуудлага мэдээлэл хүлээн авснаас зам...

БОГДХАН УУЛЫН ДУГУЙ ЦАГААН ОРЧМЫН ТОХИЖИЛТЫГ АЖИЛ ЭХЭЛЛЭЭ

Хотын захирагч Д.Сумъяабазар өөрийн цахим хуудсандаа "Зургаадугаар сарын 26-ны 09:00 цагийн байдлаар Богд уулын Дугуй цагаан руу...

ТАНИЛЦ: НИЙСЛЭЛД ӨНӨӨДӨР АЖИЛЛАХ ДАРХЛААЖУУЛАЛТЫН ЦЭГҮҮД

Энэ долоо хоногт төвийн зургаан дүүрэг бүрд шинжилгээний нэг цэг 09:00-12:00 цагт ажиллах юм. Хүчин чадлаас хамаарч нэг...

“БИШКЕК-2022” ТЭМЦЭЭНЭЭС МАНАЙ УЛСЫН ТАМИРЧИД НЭГ АЛТ, ХОЁР МӨНГӨН...

"Бишкек-2022" Азийн аварга шалгаруулах тэмцээний эхний өдөр Монгол Улсын тамирчид нэг алт, хоёр мөнгөн медаль хүртлээ. Киргиз улсын нийслэл...