Жагсаалд оролцогчдын зүгээс “Элчин сайд И.К.Азизовт хандаж хэлэхэд, Монголын ард түмэн хоёр улсын найрамдалт дилломат харилцааг хүндэлдэг. Бид агуу удирдагч Д.Сүхбаатар, Ю.Цэдэнбалыг мартаагүй байгаа. Бид дипломат ёсыг хүндэлж, тэнэгтээ биш тэвчээртэйдээ өдий хүрсэн. Бид мэдэхгүйдээ бус, мэдрэмжтэйдээ өнөөдрийг хүрсэн юм. Та дилломат ёсыг зөрчиж Монголын ард түмнийг доромжиллоо. Хоёр улсын найрамдалт харилцаанд сэв суулгахгүй гэж ард түмэн чимээгүй тэвчиж ирсэн. Харин эрхэм хүндэт Элчин сайд И.К.Азизов та дипломат ёсыг зөрчсөн нийтлэлээ буцаана уу.  Та Монгол Улсын эрх чөлөө, тусгаар тогтнолд хүндэтгэлтэй хандана уу” гэлээ. Мөн иргэдийн зүгээс БНХАУ болон ОХУ-аас эмээж суухгүй гэдгээ илэрхийлэв.